კვირა საღამო

 

ფოტოს ავტორი -ნათია აფხაიძე

  მოწყენილია საღამოა,  სიმარტოვეს  განვიცდი, გუშინ მთელი დღე გვყავდა სტუმრები თითქოს დავიღალე და მინდოდა კიდეც, მარტო დარჩენა და დასვენება, ახლა კი ზუსტად ვიცი, რომ ვერ ვიტან მარტოობას , მოწყენას. 

    ასეთ დროს წიგნი მშველის ძალიან. ამის წინ, მე და ჩემი თანამშრომელი ქეთი ერთად ვიყავით წიგნების მაღაზიაში, ჟურნალ ,,და ქალთან" ერთად იყიდებოდა ამელი ნოტომის წიგნი ,,ლურჯწვერა" დავინტერესდი ამ ავტორით, თუმცა მაშინ ბაინდერები უნდა მეყიდა  და წიგნის შესაძენად მოგვიანებით გასვლა გადავწყვიტე, როცა მე ამ ფიქრებში ვიყავი გართული ქეთის,  მხოლოდ ჟურნალი უყიდია, ვკითხე წიგნიც რატომ არ წამოიღე -მეთქი. გამყოდველისთვის უკითხავს აზრი, რომელსაც უპასუხია
: ,- ახლა წავიკითხე, არაფერი წიგნია, უბრალოდ ახალი ავტორიაო." 

    მე იმ დღეს არა, მოგვიანებით ვიყიდე ,, ლურჯწვერა" დავიწყე კითხვა და ნახევარზეც მივედი, მაგრამ ახლა ის მჭირს, რომ ვერ ვაგრძელებ. თავი სხვა ფიქრებით მაქვს გამოტენილი ხელში ავიღებ თუ არა ვხდები, რომ მის მაგივრად სხვაზე ვფიქრობ და სხვაგან ვარ, ამიტომ შევეშვი, აღარ ვკითხულობ, თუმცა მსუბუქად საკითხავია, ზედმეტი დაფიქრება არ ჭირდება, ახალგაზრდა ქალის და ცოტა უცნაური, წარმოშობით დიდგვაროვანი ესპანელი მამაკაცის ურთიერობაა, რომელიც პარიზის ცენტრში სახლს აქირავებს ქალებზე, იაფად დიდ კომფორტს სთავაზობს და საბოლოოდ  კი ისე გამოდის, რომ  სიყვარულს ეძებს, მთავარი ინტრიგა ჯერ-ჯერობით ბნელი ოთახია, სადაც არავის უშვებს მთავარი გმირი, მოვლენების შემდეგი განვითარება  რათქმაუნდა ჯერ არ ვიცი. 

  დღეს მაღალი ტენიანობა იყო, საღამოს კი სასიამოვნოთ აგრილდა, ხვალ  წვიმიან ამიდს აცხადებენ. 

   ხვალ ახალი კვირა იწყება , სასიამოვნო სიახლეებით დატვირთული მინდა, რომ იყოს, ბევრი სიახლით, რაღაც მზად ვარ მათ მისაღებად და ველოდები კიდეც.