ირგვლივ ჰაერი ისე სქელდება, ნისლად იქცევა.
ნისლში კი ყველა იკარგება და იძირება.
ვეღარც გზას ვიკლევ.
ნისლში კი ყველა იკარგება და იძირება.
ვეღარც გზას ვიკლევ.
ვერავინ მპასუხობს, რადგან თავად არ იციან, როგორ იბადება გრძნობა და განცდა, რომელიც იკავებს ფიქრს და აზრს, სულს და სხეულს. წასასვლელს გიკეტავს, გასაქცევს არ გიტოვებს.
ამ კითხვაზე ვერავინ მიპასუხა.
არ ვიცი დაუნახავთ თუ არა თავისი თავი, იმ, მეორეს თვალებში.
ჯობია ამინდზე ვისაუბროთ, ყოველთვის მსუბუქი თემაა.
წელს ზამთარი თეთრ ფერს აგვიანებს და ქუჩები გვანან მიტოვებულ და გაძარცულ სამოსებს, მოვლენები კი განვითარებას არ ჩქარობენ და ფიფქებს ელიან.
სულ მგონია, რომ ზამთარი ადამინს ბავშვობაში აბრუნებს. ართმევს წლებს და უტოვებს სილაღეს, სრიალს- ყინულის მოედნებზე, გუნდაობას- ხის ტოტებთან, ერთმანეთის მიმართ, ბავშვურად, ხელების ჩაჭიდებას და შეშველებას თოვლიანი გზების ცუდ გადასასვლელებთან და თეთრად განათებულ საღამოებს.
საღამოები კი მოირთვნენ ნათურების საზეიმო ,,წვიმებით", რომ საახალწლოდ შექმნან განწყობა, სამაგიეროდ ქარი უკრავს ისევ ძველ მელოდიებს
და მასზე აყოლილი ხალხიც ძველია.
მე კი მინდა ეს დღეები აღარ გავდეს ნაცნობ სიმღერებს და სიახლე იყოს უკეთესი.
ხელოვნურად შექმნილი განწყობები მღლის. როგორ ვთქვა, უკვე ვეღარ ვუძლებ, ნაძალადევ სიხარულებს, ღიმილებს და მათ მიღმა დარჩენილ ჩამქრალ თვალებს და კიდე უფრო მეტად მეშინია, ძალიან არ შევეჩვიო ამ როლს, არ მომეწებოს ისე, რომ ვეღარ შევძლო მოშორება.
"ქარში დაკარგვა ისევ მწყურია,
ОтветитьУдалитьეს ღამე რაღაც უცნაურია."
სიმღერა როგორ უხდება პოსტის განწყობას! :)
"არ ვიცი დაუნახავთ თუ არა თავისი თავი, იმ, მეორეს თვალებში." ძალიან კარგია.
იროო, ხო რაღაც შავმუქია ყველაფერი, თითქოს ახალი წლის წინაგანწყობაც არ არის, რადგან ძირითადად ყველა ვითომ იღიმის, ვითომ ბედნიერია... იმიტომ რომ ცდილობენ დაფარონ თავიანთი ტკივილი თუ გასაჭირი... მაგრამ იმედი მაქვს მომავალი წელი იქნება უფრო ფერადი და ბედნიერების მომტანი...
ОтветитьУдалитьმინდა ეს წელი შენთვის განსაკუთრებული იყოს :*
რა ლამაზად მოყევი, ირი, შენებურად.
ОтветитьУдалитьდღეს ჩვენთან პირველი თოვლი მოვიდა და შენი ეს სიტყვები გამახსენდა, თოვლი ბავშვობაში გვაბრუნებსო და ზუსტად ასეა. ისე მინდოდა გარეთ გავარდნა და გუნდაობა, სირბილი თოვლში, როგორც ბავშვობაში, ლაღად და უზრუნველად.
როგორ მესმის შენი :) ნეტა იცოდე, არც მე არ მინდა ნაცნობ სიმღერებს რო გავდეს დღეები, მმაგრა იქნება ყელაფერი, ეხა ეგეთი წელი იწყება!! <3
ОтветитьУдалить