დღე დღევანდელი

    ,,დღე დღევანდელი ფიქრია მხოლოდ, მომავალზე და წარსეულზე ფიქრი" ახლა არ მახსოვს ვის ეკუთვნის ეს ლექსი, არ მახსოვს სად და როდის წავიკითხე.  დღეს გონებაში ამომიტივტივდა ეს სიტყვები და მთელი დღე ვიმეორებდი.

   სამსახურში ფიქრის დრო მქონდა, რადგან ინტერნეტი იყო გათიშული. ინტერნეტის შეფერხება კი მთელი სამუშაო პროცესის შეფერხებას ნიშნავს. ვეღარც ბეჭდავ, ვეღაცრ პროგრამაში შედიხარ, ასე რომ ვთქათ, ხელებ წაჭრილი ხარ (დედაჩემი საყვარელი გამოთქმაა, როცა საქმის გაკეთებისას რაიმე ხელის შემშლელი ფაქტორი არსებობს), როცა საქმეებში ვარ ჩაფლული, ფიქრის დრო აღარ მრჩება, რაღაც რუტუნას მივყვები და  დღეც გადის.

   ადრე წამოვედი, ცოტა დრო მქონდა, გზად წიგნების მაღაზიში შევიარე. მიყვარს, რომ ათვალიერებ და ათვალიერე, ეძებ და იქექები, გინდა ახალი აღმოაჩინო და მიყვარს იმ  სიხარულის შეგრძნება ახალი წიგნის წაკითხვით, რომ არის გამოწვეული.  ლიცეუმის და სტუდენტობის პერიოდში შაუმიანზე დავდიოდი ბიბილიოთეკებში, ერთი საბავშვო ბიბლიოთეკა იყო, საიდანაც საბავშვო ენციკლოპედიის მე -12 ტომი გამომქონდა, იქვე ვკითხულობდი, ვიწერდი, ხოლო მეორე- დიდების, საიდანაც სახლში მატნევდნენ წიგნებს.  ასეთი კარგი წიგნების მაღაზიები მაშინ არ იყო, უფრო ძველი - მაღაზიებიც და გამომცემლობებიც, ბიბლიოთეკარები ისე მცნობდნენ, მათ ახლობლად ვითვლებოდი, ერთხელაც დახმარება მთხოვეს ჩემი ბიბილიოთეკიდან, ჩემი უნივერსიტეტელის მიერ, ნანათხოვარი წიგნის დაბრუნებაში. მახსოვს ვნახე ის გოგო და დანაბარებიც გადავეცი, როგორც ვიცი წიგნიც დააბრუნა. ჩემი სტუდენტობის ბოლო პერიოდში ფასიანი გახდა ბიბლიოთეკა, გაწევრიანებისთვის 3 ლარს ვიხდიდი და ბიბლიოთეკის საბუთსაც მაძლევდნენ, ის საბუთი ახლაც შენახული მაქვს. 

  მაღაზიაში მოხუცი კაცი შემოვიდა, ასაკში მეტი უკეთესი რა უნდა აკეთო? იჯდე და იკითხო. ახალ- ახალი გამოცემები ეძებო, ოცნებები რომ არ შეწყვიტო და რაც შეიძლება გვიან ან იქნებ, იყო მოხუცი, მაგრამ  სულაც არ დაბერდე. ახლოს რომ მივედი შევნიშნე ,,გემრიელად" ილუსტრირებულ კულინარიის წიგნს ათვალიერებდა. სიმპათიური ბიჭი შემოვიდა და წარმოვიდგინე, რა საინტერესო მომენტია წიგნის მაღაზიაში გაცნობილი საინტერესო ბიჭი, რომელსაც ყავს საყვარელი ავტორი, რომელზეც სიამოვნებით საუბრობს და გმირი- მისი ხასიათიას მატარებელიც კი არის, ეძებს ადამიანს, რომელიც გაჭრილი ვაშლივით ემგვანება წიგნებში ამოკითხულ ტიპს, თუმცა მან კარებიდან დაიყვირა 2014 წელს გამოსული კოდექსის წიგნი თუ გაქვთო. აქ  ძლიერი სქესის წარმომადგენლებს ნაკლებად შევხდებით. ბიჭი მკითხველები ძალიან ცოტანი არიან. ჩვენთან, ვაძლევ თავს უფლებას ვთქვა, რომ  ალბათ დედები, ბიჭებს კითხვას არ აყვარებენ, ამიტომაც არიან მამაკაცების დიდი ნაწილი ასე დაბალ დონეზე მდგომნი, მცირე ნაწილია მხოლოდ, ვინც ნაკითხია და ვისაც ეს ინტელექტი შინაგან კულტურასთან კარგად აქვს შეზავებული.  არა და რა კარგია წიგნიერება, რომ ეტყობა ადამიანს. ეს ჩანს მის ქცევაში, მოქმედებაში, საუბარში, ურთიერთობებში იკვეთება, მის გვერდით თავს  კარგად გრძნობ, ცხოვრებაში ეს მასაც ეხმარება და მის გვერდით მყოფ ადამიანებსაც.