ვემზადები ხვალინდელი ზიარებისთვი. შობაა ზეგ, ხვალ ღამე კი ცისკრით შეხვდება ჩვენი ეკლესია უფლის შობას.
ახლა კი განცდა მაქვს სიცილ - ტირილის.
ბავშვობაში მახასიათებდა სიცილ-ტირილი, ჯერ ტირილით ვიწყებდი და მერე სიცილით ვაგრძელებდი. ასე მემართებოდა, როცა რაღაცას მიშლიდნენ ან დამტუქსავდნენ, დედაჩემი სულ აღნიშნავდა ჯერ ტირი მერე იცინიო.
ზიარებისთივს მზადება კი აღსარებით იწყება, ცოდვების აღიარებით.ახლა კი განცდა მაქვს სიცილ - ტირილის.
ბავშვობაში მახასიათებდა სიცილ-ტირილი, ჯერ ტირილით ვიწყებდი და მერე სიცილით ვაგრძელებდი. ასე მემართებოდა, როცა რაღაცას მიშლიდნენ ან დამტუქსავდნენ, დედაჩემი სულ აღნიშნავდა ჯერ ტირი მერე იცინიო.
აღიარე შვილო ცოდვებიო, ასე მომართავს ხოლმე მამაო და მერე აღსარების საიდუმლოებას ინახავენ ისინი. შევცოდე მამაო-თქო ვამბობ და მეც ვიწყებ...
აღმსარებლები ბევრნი ვიყავით. რიგში ვიდექით, ნანა გამუდმებით წინ მაყენებდა დამინახავდა მის უკან დამდგარს, იქვე წინ გადამიშვებდა. არაო მეუბნებოდა, ჩემზე წინ უნდა გაგიშვაო.
მას მეორე სახელსაც ეძახიან დოდოს, სამსახურში უფრო დოდოდ იცნობენ ტაძარში ნანად. არქივში მუშაობს, ერთხელ დავინახე კიბეებს როგორ ხვეტავდა. საოცარი ადამიანია, სიკეთის განსახიერებაა, სახეზე სიმშვიდე აქვს გადაფენილი, რომ შეხედავ მის გამომეტყველებას, უნებურად ნდობა და პატივისცემა გაგიჩნდება მის მიმართ. თხელი სახე აქვს, ტანმორჩილია, უკვე ასაკშია. მთელი ტაძრის მრევლს იცნობს, ყველას მიმართ დიდ სიყვარულს გამოხატავს და საოცარი ურთიერთობას ამყარებს ყველასთან, მთელი მრევლი მის მიმართ დიდი პატივისცემითაა გამსჭვალული. სხვანაირად არც შეიძლება. ადამიანი თავად ქმნი შენს ურთიერთობებს და სხვებს შენ უბიძგებ მოგექცენ ისე, როგორც ექცევი მათ, ამიტომ ის, ყველას რომ კარგად ექცევა, იგივეს იბრუნებს. ნანა ყოველთვის მშვიდია, გაწონასწორებული. კარგად იცის ეკლესიაში მოქცევის წესები და საერთოდ კარგად იცნობს მართლმადიდებულ რელიგიას.
კიდევ ერთი ქალი იდგა ჩვენს გვერდით, ჩქარობდა, ვერ ისვენებდა წასვლაც უნდოდა მოძღვრის ნახვაც, ვეღარ გაეგო როგორ მოქცეულიყო. ჩვენ გვეკითხებოდა ნეტა ხვალ მამაო თუ იქნებაო. და უცებ ნანას ეუბნება: - ძაან ბედნიერი ვარ, რომ არ გავთხოვილვარო, ძაან ბედნიერად ვგრძნობ თავსო, არ იჯავრო წამითაცო.
რას ამბობო, აღელდა ნანა, ეს რა ბედნიერებააო, ქალი ან აქ უნდა იყოს დედა ან მონასტერშიო.
მე არ გამიგონია ამ თემაზე საუბარი რატომ დაიწყო იმ ქალმა, ან მანამდე რა მოხდა, რომ ეს თქვა. თუმცა შობაა და ყოველი ახალი სიცოცხლის დაბადება ეშმაკს ამარცხებს თურმე.
უფლის შობას გილოცავთ ყველას. იესო დაბადებულა ალილო.
Комментарии
Отправить комментарий